ایک نیوز(چودھری اشرف)پاکستان ٹی ٹونٹی سکواڈ کے آٹھ کھلاڑیوں اور سپورٹ سٹاف نے ون ڈے سکواڈ کو نیپئر میں جوائن کر لیا۔

سلمان علی آغا، حارث روف، خوشدل شاہ ، عرفان خان نیازی، ابرار احمد، سفیان مقیم ، محمد علی اور عثمان خان نے ون ڈے سکواڈ کو جوائن کیا ،ٹی ٹونٹی سکواڈ کے باقی آٹھ کھلاڑی نیوزی لینڈ سے براستہ دوبئی پاکستان کے لیے روانہ ہوں گے۔

 شاداب خان ، شاہین شاہ آفریدی، عمیر بن یوسف ، حسن نواز، محمد حارث ، عباس آفریدی ، عبدالصمد اور جہانداد خان آج رات نیوزی لینڈ سے براستہ دوبئی پاکستان کے لیے روانہ ہوں گے۔

 فاسٹ بولر حارث روف اور عثمان خان کو ون ڈے اسکواڈ میں شامل کیا گیا ہے ،پاکستان اور نیوزی لینڈ کے درمیان تین میچز پر مشتمل ون ڈے سیریز 29 مارچ کو شروع ہو گی۔